Jańa Sýets kanalyn salý josparlanýda
ASTANA. QazAqparat - Mysyr bıligi jańa Sýets kanalyn salý úshin shetelden ınvestorlardy tartpaqshy, dep habarlady www.24.kz.
Prezıdent Ábdel Fattah ás-Sısıdiń jobasy eldiń ekonomıkalyq jaǵdaıyn túzeý úshin qolǵa alynbaq. Jergilikti bılik arna boıynsha taýar tasymalynan túsip jatqan 5 mlrd dollarǵa jýyq paıda 2023 jylǵa qaraı birneshe esege artady degendi alǵa tartady. Sonymen qatar mysyrlyqtar kólemi 76 myń sharshy shaqyrym bolatyn halyqaralyq kólik-logıstıkalyq alyp aılaqty da salýdy josparlap otyr. Jańa joba 145 jyl burynǵy kanalmen qatar jatpaq. Onyń qurylysy osy jyldyń tamyzynda aıaqtalýy tıis eken.
- Jańa Sýets kanalyn salýǵa kómektesemin deýshilerge marhabat. Jumyla kótergen júk jeńil. Oǵan qosa jobany júzege asyrýǵa atsalysqan elderge jańa múmkindikter ashylady, - dedi Sýets kanaly ákimshiliginiń basshysy Mohab Memısh.
