Jańa sý qoımasy SQO-ny tasqynnan qorǵaıdy - ІІM mınıstriniń orynbasary
PETROPAVL. QazAqparat - Jańadan salynatyn sý qoımasy Soltústik Qazaqstandy tasqynnan qorǵaıdy. Bul týraly atalǵan óńirge jumys saparymen barǵan QR Іshki ister mınıstriniń orynbasary ıÝrıı Ilın aıtty, dep habarlaıdy «QazAqparat» HAA tilshisi.
Soltústik Qazaqstan oblysy Tótenshe jaǵdaılar departamentiniń jumys esebi tyńdalǵan otyrys aldynda ıÝrıı Ilın Petropavlǵa jaqyn Kojevennyı kenti men Prıbrejnoe aýyldaryn aralap shyqty. Bul jerlerde ótken jyly dambalar salynǵan. Osylaısha, Esil ózeniniń tasýynan halyqty qorǵaý kózdelip otyr. Ótken jyly dál osy eldi mekenderdiń halqy tasqynnan kóp zardap shekken bolatyn.
«Ótken jylǵy jaǵdaıdan keıin QR Úkimetiniń qorynan dambanyń qurylysy úshin aqsha bólingen. Salynatyn damba halyqtyń tynysh ómir súrýine sep bolar degen senimdemiz. Jumys sapasyna kompanııa kepildik berip otyr», - deıdi ol.
Onyń aıtýynsha, «Qazgıdromet» qazirgi ýaqytta qar qory boıynsha boljam jasap, qaýipti degen bólikterdi anyqtaý ústinde.
«Shynaıy jaǵdaıdyń qandaı ekenin anyqtaý úshin jumys júrgizetin bolamyz. Búgingi kúnniń ózinde ótken jylmen salystyrǵanda qardyń eki ese az túskenin aıta ketý kerek. Qardyń az mólsherde túsýi ózen arnasyn sýǵa toltyra qoımaıdy dep kútip otyrmyz», - deıdi ıÝ.Ilın.
Dese de, ol qar az tústi eken dep, qamsyz otyra bermeý kerektigin eskertti.
Al SQO ákiminiń orynbasary Anton Fedıaevtiń aıtýynsha, tasqynǵa daıyn bolý - jergilikti bıliktiń aldaǵy jylǵy basty tapsyrmalarynyń biri.
«QR ІІM kómegimen sońǵy 3 jylda aımaq 56 tehnıka, atap aıtqanda avtogreıderlerdi, býldozerlerdi, traldary bar tartqyshtardy, sorǵy qurylǵylaryn, kez kelgen jolmen júrýge qabiletti tehnıkalardy aldy. Tasqyn kezinde olardyń kómegi kóp tıdi. Jergilikti bıýdjettiń kómegimen biz ótken jyly qardy tazalaýǵa jáne sorǵyǵa beıim 29 traktor aldyq. ІІM-niń arqasynda sońǵy eki jylda halyqty apattardan qorǵaý maqsatynda 20 jobany júzege asyrdyq. 4 shaqyrymdyq damby saldyq. Ol Petropavl qalasynyń 4 myń turǵynyn qaýipten qorǵaıdy», - deıdi Anton Fedıaev.
ıÝ. Ilın óz sózinde Esil ózeni boıynsha Buzylyq sý qoımasyn salý úshin jobalyq-smetalyq qujattama jumystary ázirlenip jatqanynyn atap ótti. Ol Aqmola men Qaraǵandy oblystarynan aǵyp keletin 1 mlrd kýbometr sýdy saqtap, ýaqtyly jiberip otyratyndaı qaýqarda bolmaq. Osynyń nátıjesinde SQO-da tasqyn kezinde tótenshe jaǵdaıdyń týyndaý qaýpi de azaıady.
