Jańa Sý kodeksiniń tujyrymdamasy 2021 jyldyń sońyna deıin bekitiledi
NUR-SULTAN. QazAqparat – Jańa Sý kodeksiniń tujyrymdamasy 2021 jyldyń sońyna deıin bekitiledi. Bul jaıynda Májilis depýtattarynyń saýalyna QR Premer-Mınıstriniń orynbasary Roman Sklıardiń jaýabynda aıtylǵan, dep habarlaıdy QazAqparat tilshisi.
«Búgingi tańda kóktemgi sý tasqyny kezinde sý tapshylyǵy máseleleri baıqalýda, bul Úkimet pen qoǵamdy qatty alańdatady. Transshekaralyq yntymaqtastyqty júzege asyrýmen qatar jańa Sý kodeksiniń tujyrymdamasy ázirlenýde. Onyń negizgi qaǵıdaty eldiń sý resýrstyq áleýetin saqtaý máselesi bolady. Jańa Sý kodeksiniń tujyrymdamasy 2021 jyldyń sońyna deıin bekitiledi dep kútilýde», - dedi Úkimet basshysynyń orynbasary.
Sonymen qatar ol qazirgi ýaqytta Qazaqstan Respýblıkasynda sý resýrstaryn 2030 jylǵa deıin basqarý jónindegi ulttyq joba ázirlenip jatqandyǵyn aıtady.
«Ulttyq jobanyń basym baǵyttarynyń qataryna sý dıplomatııasyn nyǵaıtý arqyly memleketaralyq sý qatynastaryn jetildirý, sý resýrstaryn tsıfrlandyrý, esepke alý jáne monıtorıng júrgizý, sondaı-aq sýdy únemdeý tehnologııalaryn engizý kiredi», - dedi Roman Sklıar.
