Jańa Sý kodeksi Parlament qaraýyna qashan usynylady

ASTANA. QazAqparat – Jańa Sý kodeksiniń jobasy Parlamentke kelesi jyldyń sáýirinen keshiktirilmeı engiziledi. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Jańa Sý kodeksi ázirlenýde. Zań jobalarynyń tujyrymdamalary boıynsha qoǵamdyq tyńdaýlar ótkizildi. Sý resýrstaryn basqarýdyń negizgi tásilderi «sý resýrstaryn sarqylýdan jáne lastanýdan qorǵaý» jáne sý resýrstaryna baılanysty memlekettik josparlaý bolady», - dedi mınıstr ortalyq kommýnıkatsııalar qyzmetindegi baspasóz máslıhatynda.

Sondaı-aq, Serikqalı Brekeshev Memleket basshysynyń biryńǵaı sý saıasatyn qalyptastyrý fýnktsııasyn shoǵyrlandyrý jónindegi tapsyrmasy aıasynda salaǵa basshylyq jasaý jáne jańa Sý kodeksindegi vedomstvoaralyq úılestirý Ekologııa mınıstrligine júktelgenin atap ótti.

«Jańa Sý kodeksiniń jobasy Parlamentke kelesi jyldyń sáýirinen keshiktirilmeı engiziletin bolady», - dedi ol.