Jańa stadıonnyń syıymdylyǵy 45 myń orynǵa ulǵaıtylýy múmkin – Almaty ákimi

ALMATY. KAZINFORM – Almatyda qalalyq máslıhattyń kezekten tys XXHIX sessııasy ótti.

Sessııa barysynda Almaty qalasynyń ákimi Darhan Satybaldy megapolıstiń 2026-2028 jyldarǵa arnalǵan bıýdjet jobasyn tanystyrdy.

Shahar basshysy 2026 jylǵa jergilikti bıýdjetten 2,8 trln teńge qarastyrylǵanyn atap ótti. Onyń ishinde 850 mlrd teńge ekonomıkalyq damýdy ilgeriletýge jumsalady. Sondaı-aq jol-ınfraqurylymyn damytýǵa qomaqty qarjy bólinbek.

Sóz arasynda Almaty ákimi megapolıste qurylysy josparlanǵan jańa stadıon syıymdylyǵy kóbeıýi múmkin ekenin aıtty.

– Prezıdent tapsyrmasyna sáıkes, halyqaralyq standarttarǵa saı jańa stadıonnyń qurylysy jalǵasady. Qazir onyń syıymdylyǵyn - 35 myń orynnan 45 myńǵa kóbeıtý máselesi qarastyrylyp jatyr. Qurylysty 2027 jyldyń sońyna deıin aıaqtaý josparlanǵan, - dedi Darhan Satybaldy.

Eske salaıyq, buǵan deıin Almatyda 35 myń kórermenge eseptelgen, UEFA-nyń 4-sanat talaptaryna saı keletin jańa stadıon salynatynyn jazǵanbyz. 

Sonymen qatar jańa stadıon syıymdylyǵynyń kóbeıýi múmkin ekenin jazǵan edik.