Jańa senatorlar ant berdi
NUR-SULTAN. QazAqparat – Jańadan saılanǵan senatorlar Nurtóre Júsip, Andreı Lýkın, Dana Nurjigit, Qanatbek Safınov, Lázzat Súleımenova jáne Asqar Shákirov Qazaqstan halqyna ant berdi, dep habarlaıdy QazAqparat tilshisi.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń – ózime júktelgen mártebeli mindetterin adal atqarýǵa ant etemin», - dedi depýtattar Parlament Senatyndaǵy otyrysta. Eske sala keteıik, 12 tamyzda Aqordanyń baspasóz qyzmeti QR Parlamenti Senatyna taǵaıyndalǵan depýtattardyń esimderin jarııalaǵan bolatyn.
