Jańa saılaý Ult josparyna, ekonomıka men eldi daǵdarystan qorǵaý mindetterine jumylýǵa múmkindik beredi - N. Ábdirov
ASTANA. QazAqparat - Jańa saılaý memleket pen qoǵamdy Ult josparyna, ekonomıka men eldi daǵdarystan qorǵaý mindetterine jumylýyna múmkindik beredi. Búgin Májilistiń jalpy otyrysynda besinshi saılanǵan Parlamentti taratý jáne jańa saılaýdy taǵaıyndaý týraly QR Prezıdentiniń atyna joldanǵan Úndeýdi jarııalaǵan depýtat Nurlan Ábdirov osylaı málimdedi.
Depýtattyń aıtýynsha, reformalar men daǵdarysqa qarsy saıasatty tıimdi júrgizý úshin bıliktiń memlekettik qurylymdar men azamattyq qoǵamnyń barlyq tarmaqtary úılesimdi jumys isteýi qajet. «Jańa saılaýlar memleket pen qoǵamdy Ult josparyna, ekonomıka men eldi daǵdarystan qorǵaý mindetterine jumylýyna múmkindik beredi. Bul elimizdiń barlyq azamattaryn tolǵandyratyn óte mańyzdy mindet. Osy rette biz kezekten tys saılaý kún tártibindegi ózekti máselelerge qatysty qoǵamdyq mámile men kelisimdi nyǵaıta túsetinine senimdimiz. Osynyń barlyǵy ishki saıası birlik pen turaqtylyqty nyǵaıtyp, Elbasynyń memlekettik baǵdary aınalasynda birigý úshin qajet. Bul onsyz elimiz jahandyq synaqtar kezeńinen abyroımen ótýi múmkin emes asa mańyzdy kezeń», - dedi N. Ábdirov.
