Jańa Samsung Galaxy S7 smartfony sý astynda tekserildi

ASTANA. QazAqparat - T-Mobile baılanys operatory Samsung Galaxy S7 smartfonyn basseın túbinde ashqan vıdeony jarııalady. Vıdeoda súńgýir maskasyn kıip alǵan júrgizýshi smartfon salynǵan qorapshany eki mınýttyń ishinde ashyp, ishindegilerdi, qoldaný nusqasyn, qýattaý quralyn jáne taǵy basqalaryn kórsetip shyqty. Al odan keıin ol sý astynda Galaxy S7 smartfonyn iske qosyp, onyń negizgi sıpattamalaryn aıtyp ótti.

Júrgizýshi smartfonnyń sýdyń astynda qońyraý shalýǵa, fotosýret túsirýge, tipti, súıikti teleshoýdy tamashalaýǵa bolatynyn kórsetti.

Alaıda jadydan shyǵarmaıtyn nárse, Galaxy S7 smartfonynyń sýdan qorǵaý sertıfıkatynda qurylǵynyń tereńdigi bir jarym metrden aspaıtyn sý astynda jarty saǵat ýaqytqa ǵana shydaıtyndyǵy kórsetilgen.