Jańa salynǵan úılerdiń energııa tıimdiligin baqylaıtyn organ joq - depýtat
Bul týraly Májilis ókili «Qazaqstanda energııa tıimdilikti arttyrý» jobasyn qorytyndylaǵan saltanatty sharadan keıin BAQ ókilderine bergen suhbatynda aıtty.
«Birinshiden, eldegi turǵyn úı qorynyń ahýalyn qaraýymyz kerek. Bizdegi turǵyn úı qorynyń negizi Keńes zamanynda qalyptasty. Ol kezde energııa tıimdilik sııaqty mańyzdy talaptar is júzinde saqtalmaǵanyn bárimiz bilemiz. ıAǵnı, sol kezde kóptep salynǵan paneldi úılerde energııa múlde tıimsiz tutynylady. Mysal keltireıin, Qazaqstandaǵy úılerdiń energııa tıimdiligine júrgizilgen aýdıttiń qorytyndysy boıynsha, 1 sharshy metr baspana jylyna 220 KVt/saǵ jylý energııasyn tutynady. Al Germanııada bul kórsetkish - 100 KVt/saǵ. ıAǵnı, eki ese aıyrmashylyq bar. Sondyqtan qazir elimizde teromodernızatsııa, eski úılerdi jylylaý máselesi birinshi orynǵa shyǵyp otyr», - dedi Eldos Abaqanov.
Onyń aıtýynsha, qazir eldegi qalalardyń bárine aýyldan jurt aǵylyp jatqandyqtan, elektr men jylý energııasynyń tapshylyǵy sezile bastaǵan.
«Osyndaı jaǵdaıda eski turǵyn úı alańdarynyń energııa tıimdiligin arttyrý mańyzdy. Sonda jańa salynatyn nysandarǵa artylǵan energııany bosatar edik. Al jańadan salynaty úılerge qazir zańnama deńgeıinde naqty talaptar bekitilgen. Bul máseleni Májiliste taldaǵan kezde mynadaı másele kóterdik. Jobalaý kezinde energııatıimdilik talaptary kórsetiletini jaqsy. Biraq joba iske asqannan keıin oǵan engizilgen talaptar qanshalyqty saqtalǵanyn kim baqylaıdy? Ázirge bul másele sheshimin tapqan joq. Biz usynyspen shyqtyq. Qazir jumys istep jatyrmyz. Ol Úkimet qaýlysy bola ma, mınıstrliktiń buıryǵy bola ma, ony áli talqylaımyz. Sonda ǵana energııatıimdilik boıynsha qoıylatyn talap qaǵaz júzinde ǵana emes, is júzinde de saqtalatyn edi. ıAǵnı, jobada qymbat tereze kórsetip, is júzinde arzanyn ornata salatyn jaıttardy boldyrmaýymyz kerek», - dedi depýtat.
Sondaı-aq, ol elordadaǵy «Býdapesht», «Family Village» sııaqty avtonomdy ınfraqurylymǵa jalǵanǵan nysandardyń problemasyn depýatattyq saýal retinde joldap, mınıstrlik deńgeıinde kóterýge daıyn ekenin aıtty.
