Jańa salyq kodeksine «sán-saltanat salyǵyn» engizý máselesi pysyqtalady – Prezıdent Joldaýy

NUR-SULTAN. QazAqparat – Jańa salyq kodeksin ázirleý kezinde sán-saltanat salyǵyn engizý máselesi pysyqtalady, dep habarlaıdy QazAqparat tilshisi.

Memleket basshysy Qasym-Jomart Toqaev Qazaqstan halqyna Joldaýynda osyndaı usynys aıtty.

«Órkenıetti saýdany damytý úshin barabar mólsherlemeler men qarapaıym rásimdermen bólshek salyqty qoldanýdy keńeıtý qajet.

Salyq reformasy aıasynda «sán-saltanat salyǵyn» engizý múmkindigin qarastyrý mańyzdy», - degen Prezıdent bul salyqtyń qarapaıym halyqqa qatysy joq ekenin basa aıtty.

«Ol qymbat jyljymaıtyn múlikti, kólik quraldaryn satyp alǵan kezde alynady jáne orta tapqa áser etpeıdi», - dedi Qasym-Jomart Toqaev.

Sondaı-aq, Prezıdent Úkimettiń jumysyn synady.

Foto: pictures.dealer.com