Jańa Salyq kodeksi áleýmettik mańyzy bar taýar óndirýshilerge jeńildik usynýy múmkin
Bul jaıynda ol Senatta ótken dóńgelek ústelden keıin BAQ ókilderiniń suraǵyna bergen jaýabynda aıtty, dep habarlaıdy QazAqparat tilshisi.
«Bizde qosymsha qun salyǵynyń bazalyq mólsherlemesi bar. Bazalyq mólsherleme qazir 12 paıyz. Sony saralaý kerek degen nusqalar bar. Mysaly, áleýmettik mańyzy bar ónimder úshin 8 paıyz bolý kerek degen nusqa qaralyp jatyr. Medıtsınalyq taýarlardyń qosylǵan qun salyǵy 3 paıyz bolý kerek dep otyrmyz. Al aýyl sharýashylyǵy ónimi bolsa, 3-5 paıyz arasynda bolýy múmkin. Qazir esepter júrip jatyr», - dedi ol.
Vıtse-mınıstr korporatıvtik tabys salyǵyn saralap salý baǵytyndaǵy usynystarǵa da toqtaldy.
«Korporatıvtik tabys salyǵyna kelsek, jalpy bazalyq mólsherleme 20 paıyz bolady. Ulǵaıtylǵan mólsherleme jeke sanattar úshin 25 paıyz bolýy múmkin. Sondaı-aq, tómendetilgen mólsherleme usynylyp otyr. Bul 10 paıyzdan 0 paıyzǵa deıin. Tómendetilgen mólsherleme óndiristi keńeıtýge jáne qosylǵan qunyn arttyrýǵa ınvestıtsııa salǵandar úshin qarastyrylýda. ıAǵnı, osy talapqa saı kelgen kez kelgen salanyń óndirisine osyndaı jeńildik berilýi múmkin», - dedi Azamat Ámrın.
