Sán-saltanat salyǵynyń erejeleri áli qaralyp jatyr - Qarjy vıtse-mınıstri

ASTANA. KAZINFORM – Qarjy vıtse-mınıstri Erjan Birjanov jańa Salyq kodeksi Parlament qaraýyna qashan engiziletinin naqtylady. Sonymen qatar, ol sán-saltanat salyǵynyń qaǵıdalaryna qatysty pikir bildirdi.

«Jospar boıynsha jumys toby qujatty daıyndap, 15 mamyrǵa deıin Parlamentke engizýi kerek», - dedi E. Birjanov Senatta tilshiler suraǵyna jaýap bere otyryp.

Onyń aıtýynsha, sán-saltanat salyǵynyń qaǵıdalaryn talqylaý ári aıaqtalmady.

«Sán-saltanat salyǵy jańa Salyq kodeksi aıasynda daıyndalyp jatyr. Osy sán-saltanat salyǵy boıynsha naqty bir erejeler aıqyndaldy degen sheshim joq, sebebi onyń bári jańa kodekspen birge engiziledi», - dedi vıtse-mınıstr.

Onyń sózine qaraǵanda, qazir atalǵan sán-saltanat salyǵynyń normalaryn talqylaý kezinde qandaı da bir qarsylyq kezdespegen.

«Qazir ushaqtar, ıahtalar jáne qymbat jeke turǵyn úılerge qatysty máseleler qaralyp jatyr», - dedi Erjan Birjanov.

Budan buryn habarlanǵandaı, 7 qańtarda ótken Úkimettiń keńeıtilgen otyrysynda Memleket basshysy Qasym-Jomart Toqaev Jańa Salyq kodeksin ázirleý barysyna kóńili tolmaıtynyn aıtty.

Osyǵan deıin sán-saltanat salyǵy baılyqqa emes, asyra baılyqqa salynatyny aıtylǵan edi.