Jańa Salyq kodeksiniń eskisinen qandaı ereksheligi bar

ASTANA. KAZINFORM — Búgin Astana Open Dialogue saraptamalyq platformasynyń ekinshi otyrysynda Ulttyq ekonomıka vıtse-mınıstri Azamat Ámrın jańa Salyq kodeksiniń eskisinen qandaı ereksheligi bar ekenin aıtty.

— Bizge «jańa Salyq kodeksiniń eskisinen qandaı ereksheligi bar?» dep jıi saýal qoıady. Osy jerde qysqasha túsindirýge tyrysaıyn. Esterińizde bolsa, 2001, 2009, 2018 jyldardaǵy kodekste oryn alǵan ózgerister negizinen salyq saıasatyna qatysty boldy. Sol ýaqytta mólsherlemeler ózgertilip, QQS 20-dan 12 paıyzǵa, korporatıvtik tabys salyǵy 30-dan 20 paıyzǵa tómendetildi. Jer qoınaýyn paıdalanýshylar salyǵy artyp, shaǵyn jáne orta bızneske arnaýly salyq rejım ózgertildi. Bul ózgertýler árbir Salyq kodeksinde boldy. Biraq, osy jylǵy ózgerister, negizgi basymdyq — bul salyqtyq ákimshileý. Osy Salyq kodeksinde biz negizinen salyqtyq ákimshileý ózgeristerin engizip otyrmyz, — dedi vıtse-mınıstr.

Onyń atap ótýinshe, servıstik model engiziledi. ıAǵnı, salyq tóleýshi tirkelgen sátten bastap jabylǵanǵa deıin salyq organdarynyń súıemeldeýine ıe bolady. Sonymen qatar, salyq organdary men salyq tóleýshilerdiń arasyndaǵy jańa ózara qarym-qatynas ta qarastyrylyp jatyr.

— Osylar negizgi ózgerister bolmaq. Árıne, bizde salyqtardy qysqartýǵa, jeńildikterdi joıýǵa jáne arnaýly salyq rejımderin jaqsartýǵa qatysty jeke tapsyrma boldy. Munyń bári salyq kodeksinde, jobasynda kórinis tapqan. Muny qazirgi ýaqytta Májilis alańynda talqylap jatyrmyz, — dedi Azamat Ámrın.

Aıta keteıik, buǵan deıin jańa salyq kodeksi jobasyna sáıkes eski kólik salyǵy 50%-ǵa tómendeıtini málim boldy.