Jańa Salyq kodeksi: Sán-saltanat salyǵyna qatysty qosymsha júkteme ózgerýi múmkin be
ASTANA. KAZINFORM — Búgin Májilis Salyq kodeksi men oǵan ilespe zańdy ekinshi oqylymda qaralyp, qabyldady. Osy oraıda Qarjy vıtse-mınıstri Erjan Birjanov sán-saltanat salyǵy boıynsha Úkimet usynǵan meje saqtalǵanyn aıtty.
— Baılyq salyǵy boıynsha (sán-saltanat salyǵy) biz usynǵan meje saqtaldy. Endi zańdy Senatta talqylaý kezinde usynystar bolsa, taǵy da qarastyrýymyz múmkin. Máselen, avtokólik quny 75 mln teńgeden assa, qosymsha aktsız qoıdyq. Al jıyntyq quny 450 mln teńge bolatyn jyljymaıtyn múlik ıelerinen de qosymsha salyq óndiremiz, — dedi E. Birjanov Májilistiń jalpy otyrysynan keıin tilshiler suraǵyna jaýap bere otyryp.
Aıta keteıik, búgin Májilis tóraǵasy Erlan Qoshanov qabyldanǵan jańa Salyq kodeksine qatysty pikir aıtty.
Eske salsaq, byltyr quny 1 mln dollardan asqan jyljymaıtyn múlikke salyq mólsherlemesi ósetinin jazǵan edik.