Jańa Salyq kodeksi: kólik, qoıma jáne poshta qyzmetinde gradatsııa qaǵıdaty qoldanylady

ASTANA. KAZINFORM – Kólik, qoıma jáne poshta qyzmetine ońaılatylǵan salyq rejımin engizý birte-birte almastyrý qaǵıdaty negizinde júzege asyrylatyn bolady. Bul týraly jańa Salyq kodeksin túsindirýge arnalǵan semınar barysynda QR Premer-Mınıstriniń orynbasary Serik Jumanǵarın málimdedi.

Vıtse-premerdiń aıtýynsha, atalǵan salalarǵa tolyq tyıym salý nemese tolyq ruqsat berý qarastyrylmaıdy.

Bıznestiń aýqymyna qaraı kezeń-kezeńimen kóshý tetigi, ıaǵnı «gradatsııa qaǵıdaty» engizilmek.

«Krıterııler EQJJ anyqtamalyǵyna sáıkes naqty qyzmet túrine baılanysty bolady. Negizgi maqsat – shaǵyn bıznesti bir saladaǵy iri bıznesten bólip alý», – dedi S. Jumanǵarın.

Ol sondaı-aq kólik salasyna baılanysty erekshelikterge toqtaldy.

«Árıne, bári kólik túrine baılanysty bolady. Eger kásipker jeke qyzmet kórsetse, oǵan ruqsat etiledi. Al belgili bir gradatsııa úshin bul jalpyǵa birdeı belgilengen rejımge kóshý qajet bolatyn qyzmet túrine jatady», – dep atap ótti vıtse-premer.

Aıta keteıik, ońaılatylǵan salyq rejıminde jumys istep kelgen kásipkerlerdiń basym bóligi úshin jaǵdaı ózgermeıdi.