Jańa robot dárigerlerge otany tiliksiz jasaýǵa kómektesedi
ASTANA. QazAqparat - Hırýrgter ota kezinde robottardyń kómegine jıi júginedi. Sebebi, olar barynsha naqty aqparatty beredi. Osyny eskergen ǵalymdar hırýrgterge otany tiliksiz jasaýǵa kómektesetin jylan robotty jasap shyǵardy, dep jazady Meddaily.
Jańa robottyń artyqshylyǵy - ol adamnyń ishine aýzynan kirgiziledi. Atalmysh robottyń avtory - Karnegı Mellon ýnıversıtetiniń professory Hoýı Choset. Bastapqyda ol Avstrııanyń baıqaýsyz qalǵan atom stansasyn zertteý maqsatynda paıdalanylǵan. Qazir oǵan dárigerler qyzyǵýshylyq tanyta bastady.
Robottalǵan endoskopııalyq júıe adamnyń ish qurylysyndaǵy qıyn organdaryna jetip, onyń sýretin alýǵa múmkindik beredi. Eń bastysy, sonyń arqasynda naýqastyn ońalý kezeńi qysqarady.
Atalmysh «jylan» djoıstıktiń kómegimen basqarylady. Onyń basynda beınekamera ornatylǵan. Ázirge jylan robot jutqynshaq pen kómeıge ota jasaý kezinde qoldanylmaq. Mamandar aldaǵy ýaqytta onyń kómegimen júrekke ota jasaýǵa bolatynyna senimdi.
