Jańa Rım Papasyn tańdaý rásimi 7 mamyrǵa belgilendi

ASTANA. KAZINFORM — Vatıkandaǵy Sıkstın kapellasynda jańa Rım Papasyn saılaý úshin konklav 2025 jylǵy 7 mamyrda bastalady, dep jazady TASS agenttigi Reuters-ke silteme jasap. 

Bul sheshim 28 sáýirde kardınaldardyń jabyq jınalysynda qabyldanǵan.

Papa Frantsısk 21 sáýirde 89 jasqa qaraǵan shaǵynda ınsýltten kóz jumdy. Onyń jerleý rásimi 26 sáýirde Áýlıe Petr alańynda ótti, oǵan 200 myńnan astam adam qatysty. Papanyń sońǵy tilegi boıynsha, ol Vatıkannyń dástúrli jerleý orny emes, Rımdegi Santa-Marııa-Madjore bazılıkasynda jerlendi.

Konklavqa 80 jasqa tolmaǵan 135 kardınal qatysa alady. Saılaý Sıkstın kapellasynda ótedi, onda kardınaldar jabyq esik jaǵdaıynda daýys beredi. Ár daýys berýden keıin tútin shyǵarylady: qara tútin — sheshim qabyldanbaǵanyn, aq tútin — jańa Papa saılanǵanyn bildiredi.

Aıta keteıik, Qazaqstan Prezıdenti H áleýmettik jelisindegi paraqshasynda:

— Men Rım Papasymen kezdesýlerimdi jáne onyń 2022 jyly Qazaqstanǵa jasaǵan dinı tózimdiliktiń, beıbitshilik pen ózara túsinistiktiń sımvolyna aınalǵan Apostoldyq tarıhı saparyn ystyq yqylaspen eske alamyn. Rım Papasy Frantsısktiń esimi álem jurtshylyǵynyń esinde árqashan beıbitshiliktiń uly jaqtaýshysy jáne konfessııaaralyq dıalog pen kelisimniń qorǵaýshysy retinde máńgi saqtalady, — dep jazǵan bolatyn.