Jańa Renault Laguna satylymǵa 2015 jyldyń kúzinde shyǵarylady
ASTANA. QazAqparat - Renault kompanııasy Laguna flagman sedanynyń jańa býynyn synaýyn jalǵastyrýda. Bul avtomobıl Ońtústik Eýropanyń jol testilerinde baıqalǵan.
Jańa kólikti jurtshylyqqa kórsetý aǵymdaǵy jyldyń qyrkúıeginde Frankfýrttaǵy kólik salonynda ótýi tıis. Mashınanyń álemdik satylymdary bıylǵy jyldyń kúzinde uıymdastyrylmaq, dep habarlaıdy World Car Fans.
Laguna ataýy sońǵy emes ekeni, sedannyń ataýy áli ózgertile alatyny atap ótilýde. Mashına CMF platformasynda salynady. Kóliktiń dızaıny Captur men Kadjar-ǵa uqsas bolady. Jańa kóliktiń barlyq tehnıkalyq sıpattamalary ázirshe qupııa.
Jeltoqsanda Renault kompanııasy modeldi qataryn jańartatyny týraly habarlaǵan. Birinshi bolyp Laguna sedanynyń jańa býyny, odan keıin Scenic jańa kompaktveni usynylmaqshy.
Budan basqa, Renault bıýdjettik modelderdiń jańa jelisin daıyndaý sheshimin qabyldady. Ázirge 3 500 eýrodan bastalatyn tórt avtomobıl shyǵarylady.
