Jańa rekord: Ystanbul áýejaıy jolaýshy tasymaly boıynsha kósh bastady
ASTANA. KAZINFORM – Ystanbul áýejaıy 16 tamyzda 1739 reıs pen 290 287 jolaýshyǵa qyzmet kórsetip, Túrkııa men Eýropada táýliktik reıster jáne jolaýshylar sany boıynsha absolıýtti rekord ornatty. Bul týraly Túrkııanyń kólik jáne ınfraqurylym mınıstri Abdýlkadır Ýraloglý málimdedi, dep habarlaıdy Anadolý.
Ýraloglý óz málimdemesinde Ystanbul áýejaıynyń 16 tamyzdaǵy táýliktik jolaýshylar aǵyny men reıster sany týraly derekterdi keltirip, áýejaıdyń jańa rekord ornatqanyn atap ótti.
– Ystanbul áýejaıy 16 tamyzda 1739 reıs pen 290 287 jolaýshyǵa qyzmet kórsetip, Túrkııa men Eýropa tarıhyndaǵy táýliktik reıster men jolaýshylar sany boıynsha eń joǵary kórsetkishke qol jetkizdi, – dedi ol.
Mınıstr Ystanbul áýejaıynyń halyqaralyq avıatsııadaǵy strategııalyq mańyzy artyp kele jatqanyn atap ótti.
– Ótkizý qabileti, qýatty ınfraqurylymy jáne qyzmet kórsetý sapasynyń joǵarylyǵy arqasynda Ystanbul áýejaıy álemdegi jetekshi áýejaılardyń qataryna kiredi. Jańa rekordtar onyń jahandyq tranzıttik hab retindegi pozıtsııasyn odan ári nyǵaıtyp kele jatqanyn taǵy bir márte kórsetti, – dedi Ýraloglý.
Eske sala ketsek, buǵan deıin elorda áýejaıy múmkindiginiń qanshalyqty artqanyn jazdyq. Al Astanadaǵy jańa áýejaıdyń qurylysy kelesi jyly bastalatyny belgili boldy.
