Jańa rekord: Almatyda eń úlken kese shaı tirkeldi

ALMATY. QazAqparat - Bıyl Naýryz merekesinde Qazaqstan rekordtar kitabyndaǵy kórsetkish jańardy, dep habarlaıdy QazAqparat tilshisi.

Almatyda bıyl da Naýryz meıramy aýqymdy túrde atalyp ótti. Túrli etno mádenı ortalyqtar, sheberler men ónerpazdar  jınalǵan jurtqa merekelik kóńil-  kúıdi syılady. Dál osy kúni Qazaqstan rekordtar kitabyndaǵy kórsetkishter jańardy.

Arbat alańynda 2000 lıtrlik syıymdylyqtaǵy, bıiktigi 2,5 metrden asatyn 1 kese sút qosqan shaı daıyndaldy. Sosyn elimizdegi rekordtyq eń úlken keseden turǵyndarǵa shaı taratylyp berildi.

Sonymen qatar, Arbatta álemdegi eń úlken quraq kórpeni tigý bastaldy.

Jospar boıynsha 25 500 sharshy metrlik kórpe 20 qyrkúıekke taman tigilip bitetin bolady. Qazir mundaı kórpeniń rekordy Portýgalııa ismerlerine tıesili. 2000 jyly olar 25100 sharshy metr kórpe quraǵan edi.