Jańa Reglament depýtattyq saýaldyń salmaǵyn arttyrady — Únzıla Shapaq
ASTANA. KAZINFORM — Quryltaı Reglamentinde depýtattyq saýaldardyń nátıjeliligin arttyrýǵa baǵyttalǵan birqatar tetik qarastyrylǵan. Bul týraly Quryltaı depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Únzıla Shapaq aıtty.
Únzıla Shapaqtyń aıtýynsha, jańa Reglamentte depýtattyq saýaldy formaldy qural retinde qaldyrmaı, onyń nátıjesin baqylaýǵa múmkindik beretin birneshe tetik bar. Saýal joldanǵan laýazymdy tulǵa bir aı ishinde jaýap berýge mindetti. Eger depýtat jaýapty tolyq emes nemese jetkiliksiz dep sanasa, laýazymdy tulǵany Quryltaıǵa shaqyryp, máseleni jarııa túrde talqylaı alady. Mundaı talqylaý kezinde ózge depýtattar da qosymsha suraqtar qoıýǵa quqyly.
Sonymen qatar ol saýal joldanbas buryn másele jan-jaqty zerdelenetinin de atap ótti. Fraktsııalar kóteriletin taqyryptardy aldyn ala talqylap, onyń negizdiligi men dáıekterin qaraıdy.
— Depýtattyq saýaldy máseleni aıaǵyna deıin jetkizip, memlekettik organdarmen yqpaldasyp jumys isteýdiń tetigi retinde qarastyramyz. Bul — Quryltaı baqylaýyn kúsheıtetin mehanızm, — dedi Quryltaı depýtaty.
Aıta keteıik, joǵary zań shyǵarýshy organnyń búgingi otyrysynda Quryltaı Reglamenti bekitildi. Qujatta depýtattardyń Premer-mınıstrge, Úkimet múshelerine, birqatar basqa memlekettik organdardyń basshylaryna jáne óńir ákimderine saýal joldaýy quqyǵy kózdelgen.
Sondaı-aq, úsh jyldyq bıýdjet jobasy Quryltaı qaraýyna engizilgenin jazǵanbyz.
