Jańa Prezıdent óz baǵdarlamasyn júzege asyrýdy bastap ketti - saıasattanýshy

NUR-SULTAN. QazAqparat - Qazaqstan strategııalyq zertteýler ınstıtýty Áleýmettik-saıası zertteýler bóliminiń jetekshisi Alýa Joldybalına jańadan saılanǵan Prezıdenttiń qyzmeti jóninde pikir bildirdi, dep habarlaıdy QazAqparat tilshisi.

Onyń aıtýynsha, saılaýaldy baǵdarlamalarda qoǵam men saıası pikirlerdiń negizgi ıdeologııalyq baǵytyn kórsetetin ıdeıalar basym boldy.

«Halyqaralyq qaýymdastyq úshin halyqtyń saılaýdaǵy azamattyq belsendiligi - belsendi saıası ustanymynyń jáne azamattar tarapynan kórsetilgen patrıottyqtyń basty ındıkatory. Atap ótken jón, saıasatqa qyzyǵýshylyq tómendegen álemdik trendte Qazaqstan halqy joǵary azamattyq belsendilik pen saılaý protsesine qyzyǵýshylyq tanytty. Halyqaralyq baıqaýshylar prezıdent saılaýynyń demokratııalyq prıntsıpterge saı, ashyq ári ádil ótkenin aıtýda. Halyqtyń 77,4% saılaýǵa qatysty», - dedi spıker «Qazaqstannyń damý traektorııasy: sabaqtastyq, ádildik, órleý» atty dóńgelek ústelde.

Saıasattanýshy jańa Prezıdenttiń óz baǵdarlamasyn júzege asyrýdy bastap ketkenin atap ótti.

«Jańa Memleket basshysy óz basymdyqtaryn kórsetti, olar: áleýmettik máselelerdi sheshý, kásipkerlikti qoldaý, qoǵam birligin saqtaý, halyqtyń tabysyn arttyrý, jumyspen qamtý jáne sybaılas jemqorlyqpen kúresý. Kórip otyrǵanymyzdaı, bul basymdyqtardy júzege asyrý bastalyp ta ketti. Máselen, Memlekettik qyzmet isteri jáne sybaılas jemqorlyqqa qarsy is-qımyl agenttiginiń bólinýi sybaılas jemqorlyqqa qarsy strategııanyń ınstıtýtsıonaldy túrde nyǵaıýyn bildiredi. Keshe birqatar kadrlyq taǵaıyndaýlar boldy. Jańadan saılanǵan Prezıdent jastar men memlekettik basqarý júıesin jańa kadrlarǵa aýystyrýǵa erekshe mán berip otyr. Prezıdenttik kadrlyq rezerv qalyptastyrýdy jáne jas talantty basqarýshylardy memlekettik qyzmettiń barlyq deńgeıinde qoldaýdy jalǵastyrýda», - deıdi Alýa Joldybalına.