Jańa páterdiń quny qaı qalalarda qatty qymbattady

ASTANA. KAZINFORM — Bir jylda jańa turǵyn úıdi satý baǵasy — 2,2%, qoldanystaǵy páterlerdi qaıta satý — 1% ósti. Abattandyrylǵan turǵyn úıdi jalǵa alý tólemi ótken jylǵy tıisti aımen salystyrǵanda 5,2% joǵarylady. Ulttyq statbıýro baspana baǵasynyń bir jylda qalaı ózgergenine sholý jasady. 

Óńirler bólinisinde jyldyq mánde jańa úıler baǵasy Aqtóbe — 9,5%, Taldyqorǵan — 7,2%, Qyzylorda — 7,1% qalalarynda qymbattaǵan.

Qoldanystaǵy úıler naryǵynda baǵa ósiminiń kóshin Atyraý (14,1%), Astana (6%) qalalary bastasa, turǵyn úıdi jalǵa alý naryǵynda — Taldyqorǵan (28,1%), Qaraǵandy (24,6%), Jezqazǵan (22,6%) men Petropavl qalalary alda (22,5%).

Bir aıdyń ishinde (2024 jylǵy maýsym 2024 jylǵy mamyrǵa) qoldanystaǵy páterlerdi qaıta satý — 0,6%, jańa turǵyn úıdi satý 0,4% ósti.

Abattandyrylǵan turǵyn úıdi jalǵa alý tólemi maýsymda ótken aımen salystyrǵanda 0,3% joǵarylady.