Jańa Parlamenttiń ereksheligi - ol jan-jaqty, ári túrli sala ókilderinen jasaqtalǵan - Májilis depýtaty M.Ábenov
ASTANA. 20 qańtar. QazAqparat /Aıdar Ospanalıev/ - «Búgingi, jańa Parlament jan-jaqty», - deıdi Parlament Májilisiniń VI jáne V shaqyrylymdarynyń depýtaty Murat Ábenov. Bul týraly ol búgin 5-inshi shaqyrylǵan Parlamenttiń 1-inshi sessııasynan soń jýrnalısterge bergen suhbatynda aıtty.
Onyń sózinshe, búgingi elde júzege asyrylyp jatqan údemeli ındýstrııalyq-ınnovatsııalyq baǵdarlama túrli pikirler men kózqarastardy toǵystyratyn, tereń qarastyrylǵan, búgingiden de sapaly zańdardy qajet etedi.
«Osy rette búgingi Parlament quramynyń jan-jaqty, túrli salanyń ókilderi ekendigin aıta ketken jón. Depýtattar jas jaǵynan bolsa da, jalpy quramy jaǵynan bolsa da árkelki. Aıta ketetin másele, áıel azamattar sany basym. Bul da kóppartııaly júıeniń ereksheligi. Eger Parlament bir mandattyq bolǵan kezde mundaı jaǵdaı árıne, bolmas edi»,-dedi halyq qalaýlysy.
