Jańa otandyq «Bizdiń aǵaı» telehıkaıasy kórermenge jol tartty
ASTANA. QazAqparat - 12 qazan kúni «Qazaqstan» telearnasynda 16 serııaly «Bizdiń aǵaı» komedııalyq telehıkaıasynyń tusaýy kesildi.
Budan buryn habarlaǵanymyzdaı, telehıkaıa zeınetkerlikke shyǵyp, tanymal bloger jáne jastardyń tálimgeri atanǵan aýyl aqsaqalynyń ómiri týraly baıandaıdy.
Oqıǵa Jambyl oblysynyń Shý aýdanynda ótedi. Bas keıipkerler - Jomart aǵanyń otbasy jáne aýyldastary. Týyndynyń rejısseri - «Ápke», «Agent Z» jáne t.b. telehıkaıalarymen tanymal Murat Bıdosov. Týyndy ázil-ospaqqa negizdelse de, otansúıgishtik, úlkenderge degen qurmet, Otanǵa, otbasyǵa degen mahabbat taqyryptary keńinen nasıhattalady. Hıkaıa barysynda otandyq óndiris ónimi jáne zamanaýı tehnologııa jetistikteri kórsetiledi.
