Jańa órmekshi-adam týraly fılmniń keıipkerleri qazaqsha sóıleıtin bolady - VIDEO

ASTANA. QazAqparat - Naýryzda «Jańa Órmekshi-adam: Kernegen qýat» atty fılmniń qazaqsha dýblıaji bastaldy, dep habarlaıdy «Bolashaq» baǵdarlamasy stıpendıattary qaýymdastyǵynyń baspasóz qyzmeti.

Tanymal blokbasterdiń jalǵasy qazaqstandyq prokatqa 24 sáýirde 3D formatynda qazaq jáne orys tilderinde shyǵady. Ázirge fılm tek jeti tilge aýdarylǵan, sonyń ishinde qazaq tili de bar. Fılmdi qazaq tiline aýdarýdy Sony Pictures stýdııasy qolǵa alady jáne ol álemdik standarttarǵa saı jasalmaq.

Jobany «Altyn Qyran» qaıyrymdylyq qorynyń qarjylyq kómegimen «Bolashaq» qaýymdastyǵy men Marwin kompanııasy qolǵa aldy.

Aıta keteıik, bul «Bolashaq» qaýymdastyǵy aýdarýǵa kirisken jetinshi joba. Bunyń aldynda «Kólikter-2», «Qara kıimdiler 3», «Batyl júrek», «Jańa Órmekshi-adam», «Monstrlar Ýnıversıteti», «Jalǵyz reındjer» fılmeri qazaqsha sóılegen bolatyn.