«Jańa órmekshi adam» qazaq tilinde sóıleıdi
ASTANA. 30 maýsym. QazAqparat - 2 shilde kúni saǵat 15:40-ta Astana qalasynda Columbia Pictures stýdııasynyń «The Amazing Spider-Man» fılminiń «Jańa Órmekshi adam» atty qazaq tildi nusqasynyń aldyn ala qaıyrymdylyq kórsetilimi ótkiziledi.
«Jańa Órmekshi adam» - qazaqstandyq kınoteatrlarda qazaq tilinde kórsetiletin tórtinshi kınoónim. Shara «Kerýen» saýda ornynda ótedi.
«Kerýen» SO-nyń habarlaýynsha, aldyn ala kórsetilimge «Bolashaq» Qaýymdastyǵy keńesiniń tóraǵasy Baýyrjan Baıbek, «MARWIN» kompanııasynyń Astana qalasyndaǵy fılıalynyń dırektory Vladımır Remnev,«Damu Contract logistics» kompanııasynyń Astana qalasyndaǵy fılıalynyń dırektory Mıhaıl Shamakov, qazaq dýblıajiniń rejısseri Aıjan Jámshıtova(«Kólikter 2», «Batyl júrek»), basty keıipkerdi dybystaǵan Mereı Ádjibekov, Astana qalasy men Aqmola oblysy balalar úıleriniń tárbıelenýshileri, zııaly qaýym ókilderi qatysady.
Fılm premerasy qazaq jáne orys tilderinde elimizdiń barlyq aımaqtarynyń kınoteatrlarynda 2012 jyldyń5 shildesi kúni ótkiziledi.
