«Jańa Órmekshi adam» fılminiń keıipkerleri qazaqsha sóıledi
ASTANA. 3 shilde. QazAqparat - «Jańa Órmekshi adam» fılminiń keıipkerleri qazaqsha sóıleı bastady. Atap aıtqanda, keshe Astanada bul kartınanyń aldyn ala kórsetilimi boldy.
Osy joba aıasynda fılmniń memlekettik tildegi dýblıajdalýyna «Bolashaq» qaýymdastyǵy jáne «Marwin» kompanııasy atsalysty. Jobanyń bas demeýshisi «DAMU Logistics» kompanııalar toby.
Dýblıajdyń rejısseri - «Kólikter-2» men «Batyl júrek» kartınalary dýblıajdarynyń rejısseri bolǵan Aıjan Jámshıtova, aýdarmashy -Dına Sarbazova, mátinderdiń redaktorlary men retteýshileri - Turysbek Sáýketaev pen Saltanat Dúngenbaeva. Fılmdi dybystaýǵa barlyǵy 30 adam qatysqan kórinedi. Taratylǵan málimetterge qaraǵanda, týyndynyń keıipkerlerin qazaqsha sóıletý úshin 27 mamyr men 7 maýsym aralyǵynda «Sınema Ton Prodakshnniń» Almatydaǵy stýdııasynda eki apta kóleminde jumys jasaldy.
Fılmniń uzaqtyǵy 136 mınýt. Joba bıýjdeti 17 mıllıon teńgeni qurady. «Jańa Órmekshi adam» 2012 jyly qazaq tilinde dýblıajdalǵan «Solombia Pictures» gollıvýdtyq stýdııasynyń ekinshi fılmi. Buǵan deıin «Qara kıimdiler 3» týyndysy da qazaqsha sóılegen edi.
«Osyndaı jumystar arqyly fılmderde qazaq aýdıtorııasyn keńeıtip, odan tabys jasap, kınolardyń qazaq tilindegi kórsetilimderi naryqta tuǵyrlana túsedi»,-dedi «Bolashaq» qaýymdastyǵy keńesiniń tóraǵasy Baýyrjan Baıbek.
Aıta keteıik, bul fılm 5 shildeden bastap qazaq jáne orys tilderinde elimizdiń barlyq aımaqtarynda keńinen kórsetile bastaıdy.
