Jańa Orleanda kıbershabýylǵa baılanysty tótenshe jaǵdaı jarııalandy
JAŃA ORLEAN. QazAqparat – Jańa Orlean bıligi qala resýrstaryna jasalǵan kıbershabýylǵa baılanysty tótenshe jaǵdaı rejımin jarııalady, dep habarlaıdy QazAqparat.
«Shahardaǵy tehnıkalyq qyzmetterdiń málimetinshe, kıbershabýyl jergilikti ýaqytpen saǵat 11:00-de bastalǵan. Qalalyq aqparattyq tehnologııalar departamenti serverler men kompıýterlerdi óshire bastady», - dep jazdy qala meri Latoıa Kantrell Twitter paraqshasyna.
Kantrell, sondaı-aq, kıbershabýylǵa qaramastan «911» jedel qyzmeti qońyraýlardy qalypty jumys rejıminde qabyldap jatqanyn jetkizdi.
Onyń sózinshe, jaǵdaıdy Los Anjeles polıtsııasy, Ulttyq gvardııa, Jańa Orleannyń federaldy tergeý bıýrosy men Qupııa qyzmet bólimi tergep jatyr.
Aıta keteıik, Amerıka qalalarynda tótenshe jaǵdaı rejımi kóbinde tabıǵı apattar kezinde engiziledi.
