Jańa ónimdi qabyldaýǵa elevatorlardy daıyndaý jumystary júrgizilip jatyr

ASTANA. KAZINFORM – Jappaı oraq naýqany qarsańynda óńirlerde 2025 jylǵy ónimdi qabyldaýǵa arnalǵan elevator syıymdylyqtaryn bosatý jumystary júrgizilip jatyr, dep habarlaıdy Aýyl sharýashylyǵy mınıstrliginiń baspasóz qyzmeti.

Іs-sharalar jınalǵan astyqtyń saqtalýyna jáne ony úzdiksiz saqtaý protsesin qamtamasyz etýge baǵyttalǵan.

Oblys ákimdikteriniń málimetinshe, astyq saqtaý syıymdylyǵynyń jalpy kólemi 30,9 mln tonnany quraıdy. Onyń ishinde 13,5 mln tonnasy — jumys istep turǵan lıtsenzııalanǵan astyq qabyldaý kásiporyndarynda, 17,4 mln tonnasy — aýyl sharýashylyǵy taýaryn óndirýshilerde.

Qoldau.kz aqparattyq júıesiniń derekterine sáıkes, lıtsenzııalanǵan astyq qoımalarynyń júktemesi 2,3 mln tonnaǵa (17%) jetedi, al bos kólemi shamamen 11 mln tonna. Bul syıymdylyqtar ótken jyldardaǵy aýyspaly qaldyqtardy eskere otyryp, jańa ónimdi qabyldaýǵa jetkilikti.

Aýyl sharýashylyǵy mınıstrligi elevatorlardy bosatý barysyn monıtorıngteýdi jalǵastyrýda.

Aıta keteıik, astyq pen un eksporty 12,4 mln tonnaǵa jetti.