Jańa oqý jylynda oqýshylar úshin dene tárbıesi sabaǵy aptasyna 3 saǵat ótetin bolady - Úkimet
ASTANA. 9 shilde. QazAqparat - Jańa oqý jylynda mektepterde aptasyna 3 saǵattyq mindetti dene tárbıesi sabaǵy qalpyna keltiriledi.
Búgin Úkimettiń selektorlyq rejimdegi otyrysynda QR Premer-Mınıstr Serik Ahmetov osyndaı tapsyrma berdi.
«Bilim jáne ǵylym mınıstrligi oblystardyń, Astana men Almaty qalalarynyń ákimderimen birlese otyryp qarastyryp, oqý jyly bastalǵanǵa deıin mektepterde aptasyna keminde úsh saǵattyq mindetti dene tárbıesi sabaǵyn qalpyna keltirsin. Erbol Turmahanuly (Úkimet basshysynyń orynbasary) bul máseleni qarastyryp, Úkimettiń osy otyrysynyń hattamasyna naqty usynys engizińizder», - dedi S.Ahmetov.
