Jańa oqý jylynda Qazaqstannyń 35 mektebine kóptildi oqytý júıesi engiziledi
ASTANA. 15 maýsym. QazAqparat - Qarqyndy damyp kele jatqan elimiz ultymyzdyń zııatkerlik áleýetine basymdyq berip otyr.
Osyǵan baılanysty, óskeleń urpaqtyń sapaly bilim alǵany óte mańyzdy másele. Respýblıkada novatorlyq ádistemeler, orta mektepterde sabaq berýdiń jańa standarttary synaqtan ótkizilýde. Atap aıtqanda, 2012-2013 oqý jylynda Qazaqstannyń 35 mektebinde ilki rejimde kóptildi oqytý júıesi engizilgeli otyr, dep habarlady pm.kz saıty.
«Qazaqstanda adamı kapıtaldyń sapaly ósýi. Bul, eń aldymen, bilim berý men densaýlyq saqtaý. Bilim berý júıesin jańǵyrtý barysynda biz úshin... ,birinshiden, oqytý úderisine qazirgi zamanǵy ádistemeler men tehnologııalardy engizýdiń mańyzy zor»,- dep atap kórsetti QR Prezıdenti N.Nazarbaev «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýynda.
Bilim jáne ǵylym mınıstrliginiń aqparaty boıynsha, jańa oqý jylynda mektepke deıingi bilim berý júıesine aǵylshyn tilin erte úıretý jobasyn engizý, al 35 mektepte - mektep baǵdarlamasyna kóptildi júıeni engizýdiń ilki jobasy men 1 synyptan bastap aǵylshyn tilin úıretý jobasyn qolǵa alý josparlanyp otyr. Jáne jańa tujyrymdamalyq ádistemelerdiń barlyǵy negizgi bazalyq alań - «Nazarbaev Zııatkerlik mektebinde» synaqtan ótkizilýde.
ıAǵnı, Nazarbaev Zııatkerlik mektebi osy baǵdarlamalardy nátıjeli iske asyrýda negizgi ról atqaratyn bolady. Atap aıtqanda, jalpy bilim beretin mektepterge óz tájirıbesin taratý úshin kóptildi oqytýdyń tájirıbelik baǵdarlamasyn ázirleýi, balalardyń tek bilimin ǵana emes, daǵdylaryn da baǵalaý úshin oqý úderisin baǵalaý júıesin engizýi, pánderdiń mazmunyna tárbıe berý komponentterin yqpaldastyrýy kerek.
Taǵy bir aıta ketetin másele, kóptildik bilim berý júıesin qurý úshin 2012 jyldan bastap pedagogtardyń biliktiligin jetildirýdiń formaty men mazmuny ózgertildi. Nazarbaev Zııatkerlik mektepteriniń jandarynan Pedagogıkalyq sheberlik mektepteri jáne «Órleý» AQ-nyń Pedagogıkalyq kadrlardy qaıta daıarlaý ulttyq ortalyǵy quryldy. Ortalyqtar 5 jylda 125 myńnan astam pedagogty qamtı alady.
Oǵan qosa, Elbasynyń tapsyrmasy boıynsha QR Bilim jáne ǵylym mınıstrligi Oqýshylardyń fýnktsıonaldyq saýattylyǵyn damytý jónindegi 2012-2015 jyldarǵa arnalǵan ulttyq is-qımyldardyń josparyn jasap otyr. Bilim berýdi damytýdaǵy jańa baǵyttardyń biri bolyp tabylatyn bul jospar oqýshylardyń salaýattylyǵyn damytý jónindegi júıelik qyzmetti qamtamasyz etýge negizdelgen.
«Ulttyq jospardy iske asyrý bizdiń muǵalimderimiz ben oqýshylarymyzdyń halyqaralyq bilim berý keńistigindegi básekege qabilettilikterin arttyra túspek»,- delingen vedomstvo habarlamasynda.
