Jańa oqý jylynda «Tsıfrlyq repetıtor» jobasy iske qosylady

NUR-SULTAN. QazAqparat – «Jańa oqý jylyna deıin «Tsıfrlyq repetıtor» jobasy iske qosylýy tıis. Bul týraly QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Balalar úshin «Tsıfrlyq repetıtor» jobasyn bastap jatyrmyz. Ony tamyz aıynyń sońyna qaraı iske qosýymyz kerek. Jańa oqý jylynyń qarsańynda arnaýly toptaǵy balalar osy joba boıynsha jumysyn bastaýy tıis. Oqý jylyna daıyndyǵymyz da osyǵan baılanysty bolady», - dedi Ashat Aımaǵambetov mınıstrliktiń apparat jınalysynda.

Aıta keteıik, óten jyly Úkimet otyrystarynyń birinde Ashat Aımaǵambetov aýyl oqýshylary úshin «tsıfrlyq repetıtor» jobasyn engizý qarastyrylyp jatqanyn málimdegen bolatyn. Joba aıasynda áleýmettik osal otbasydan shyqqan balalar, ıaǵnı 500 myńǵa jýyq oqýshy apta saıyn tegin matematıka, til nemese jaratylystaný pánderinen keminde 3 qosymsha sabaq ala alady.