Jańa oqý jylynda bilim oshaqtary qalaı dezınfektsııalanady

NUR-SULTAN. QazAqparat – QR bas sanıtar dárigeri Erlan Qııasovtyń jańa qaýlysymen bilim oshaqtaryn dezınfektsııalaý rejımine qoıylatyn talaptar aıqyndaldy, dep habarlaıdy QazAqparat tilshisi.

Qaýly boıynsha, eń áýeli bilim berý uıymynyń ákimshiligi úı-jaılardy jınaýǵa, bilim alýshylardyń, pedagogter men personaldyń qolyn óńdeýge arnalǵan dezınfektsııalaý jáne jýý quraldarynyń azaımaıtyn (keminde bir aılyq) qoryn qamtamasyz etýi kerek.

Sondaı-aq:

-Dezınfektsııalaý quraldarymen jumys isteý densaýlyq jaǵdaıy boıynsha qarsy kórsetilimderi joq kámeletke tolǵan adamdarǵa ǵana ruqsat etiledi.

Dezınfektsııalaý quraldary ónim berýshiniń ydysynda (qaptamasynda) zattyń ataýy, onyń maqsaty, zattańbadaǵy jaramdylyq merzimi kórsetile otyryp saqtalýy tıis. Ydystaǵy zattańba dezınfektsııalaý quralyn saqtaýdyń (paıdalanýdyń) barlyq kezeńi boıy saqtalady, bógde adamdarǵa berilmeıdi jáne qaraýsyz qaldyrylmaıdy.

- Ǵımaratty únemi jeldetý protsesi oqý protsesi men jumys rejıminiń kestesine sáıkes júzege asyrylady.

-Synyptardyń, foıelerdiń jáne dálizderdiń úı-jaılarynyń aýasyn zalalsyzdandyrý aýany zararsyzdandyrýǵa arnalǵan jabdyqty paıdalaný jónindegi nusqaýlyqty saqtaı otyryp júrgiziledi.

- Esik tutqalaryn, ajyratqyshtardy, tutqalardy, taıanyshtardy, baspaldaq marshtaryn, kabınetterdi, aýdıtorııalardy, ortaq paıdalanylatyn oryndardy (sport, akt zaldary, kitaphanalar, kıim iletin oryndar, ashana, sanıtarııalyq toraptar, sebezgi jáne turmystyq bólmeler jáne t.b.) vırýlıtsıdti áser etetin dezınfektsııalaý quraldarymen mindetti túrde dezınfektsııalaı otyryp, ylǵaldy jınaý kúnine keminde 2 ret júrgiziledi.

- Úı-jaılardy kúrdeli jınaý aptasyna keminde 1 ret júrgiziledi.

- Ǵımarat tazalaýǵa qoldanylatyn shelekter, şetkalar, shúberekter paıdalanylǵannan keıin arnaıy bólingen oryndarda óńdelýi jáne saqtalýy tıis.