Jańa oqý jylynda Astanada úsh mektep ashylady
ASTANA. QazAqparat - Jyl saıyn elordada jańa oqý oryndary paıdalanýǵa beriledi.
Jańa oqý jylynda (2015-2016 jj.) Astanada taǵy úsh mektep ashylmaq: «Esil» aýdany Orynbor kóshesi 22/1 mekenjaıy boıynsha ornalasqan №77 mektep-gımnazııasy, Komsomolskıı turǵyn alabyndaǵy E246 kóshesinde ornalasqan №79 mektep-gımnazııasy jáne Batyǵaı turǵyn alabynda ornalasqan daryndy balalarǵa arnalǵan «Astana English school» mektebi. Ár mektep 1200 orynǵa laıyqtalǵan.
Astana qalasy Bilim basqarmasynyń habarlaýynsha, aǵymdaǵy jyly 17 myńnan astam oqýshy birinshi synypqa barmaq. Ótken jylmen salystyrǵan birinshi synypqa baratyn oqýshylar sany 2 myńǵa artqan.
Basqarma málimetinshe, jańa oqý jylyndy jalpy alǵanda 115 099 oqýshy mektepke barady.
