Jańa oqý jylynda Astanada 4 mektep paıdalanýǵa berilmek
ASTANA. QazAqparat - Jańa oqý jylynda Astanada 4 mektep esigin ashady. Bul týraly QazAqparat tilshisine bilim basqarmasy basshysynyń orynbasary Qasymhan Senǵazıev habarlady.
«4 mekteptiń barlyǵy qalanyń sol jaǵalaýynda ornalasqan: ekeýi - Esil aýdanynda, ekeýi - Almaty aýdanynda. Bul mektepterdegi úsh aýysymdyq oqytýdy joıýǵa kómektesý úshin jasalyp otyr. Astanada qazirgi ýaqytta apattyq jaǵdaıdaǵy mektepter joq», - dedi Q.Senǵazıev.
Onyń habarlaýynsha, bıyl demeýshilerdiń qarajatyna az qamtylǵan otbasylardan shyqqan 7 myńǵa jýyq balaǵa járdem kórsetiledi. Ótken jyly osyndaı sharanyń aıasynda birinshi synypqa aıaq basqan 6 803 oqýshy mektepke qajetti kerek-jaraqpen qamtyldy. Jańa oqý jylynda bilim basqarmasynyń derekteri boıynsha 13 myńǵa tarta bala birinshi synypqa barady.
