Jańa oqý jylynda Almaty qalasynyń barlyq mektepteri beıne baqylaýmen qamtamasyz etildi - Almaty qalasynyń ІІD-i
ALMATY. 24 tamyz. QazAqparat /Názıra Eleýhan/ - Almaty qalasynyń ІІD-i bastamasymen jańa oqý jylynda Almaty qalasynyń orta mektepteri beıne baqylaý kameralarymen qamtamasyz etildi.
Kameralar ár mekteptiń kire berisinde, dálizder men mektep aýmaǵy aınalasyna qoıylǵan. Baqylaýlar dırektor kabınetinen, sonymen qatar, mekteptiń qaýipsizdigine jaýap beretin qorǵaý fırmalary pýltinen de júrgiziletin bolady.
Almaty qalasynyń ІІD-i bastyǵy Erlan Turǵymbaevtiń aıtýynsha, jańa engizilim balalardyń qaýipsizdigin qamtamasyz etýge baǵyttalǵan. "Bastama qalalyq Bilim departamentimen birge júrgizilgen jumystyń arqasynda iske asty. Jobany iske asyrýǵa ákimdik 98 mıllıon teńge qarajat bóldi. Qazirgi ýaqytta 1 445 beıne kamera 176 mektepke qoıyldy. Qalanyń mektepterine bul keshendi qaýipsizdik júıesin qurý - sonymen qatar, kámelet jasqa tolmaǵandar arasynda quqyq buzýshylyqtyń aldyn alýǵa tıimdi ádis bolmaq. Al, bul másele bizdiń kúndelikti baqylaýymyzdan túsken emes ",-dedi ol.
Onyń aıtýynsha, jaqyn arada barlyq jalpy bilim beretin mekemelerge baqylaý Almaty qalasynyń ІІD-i basqarmasynyń biryńǵaı ortalyqtandyrylǵan baqylaý ortalyǵynan júrgiziletin bolady.
«Balalardyń qaýipsizdigi - mańyzdy memlekettik mindet bolyp tabylady»,- dep keshe Almatyda ótken tamyz keńesinde atap ótilgen bolatyn.
