Jańa oqý jylynda 421 oqýshydan koronavırýs anyqtaldy
«Búginde bilim berý uıymdaryndaǵy sanıtarlyq-epıdemıologııalyq ahýaldy baqylaý eń basym baǵyttardyń biri bolyp otyr. Oqý jyly bastalǵannan beri 421 syrqattaný jaǵdaıy tirkeldi. Árbir jaǵdaıǵa oraı epıdemıologııalyq tekserý júrgizildi. Epıdemıologııalyq tekserýdiń nátıjesinde atalǵan balalardyń demalys kezinde-aq aýyrǵany jáne koronavırýs ınfektsııasyn juqtyrǵandarmen qarym-qatynasta bolǵany anyqtaldy», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, osyǵan baılanysta atalǵan balalarmen qarym-qatynasta bolǵan 3 myńnan astam oqýshy tekserýden ótti. Tekserýden ótken oqýshylardyń arasynda 3 balanyń ǵana koronavırýs juqtyrǵany PTR test arqyly anyqtady.
«Bul jumys kúndelikti júrgiziledi. Syrqattaný joǵary shegine jetken 6 tamyzda elimizde 8 325 adam aýyrdy, onyń 651-i - oqýshylar. ıAǵnı, koronavırýs ınfektsııasynyń bilim berý uıymdarynda taralýyna jol bermeý úshin qatań karantındik is-sharalar qabyldanǵan», - dedi Záýre Ahmetova.
