Jańa oqý jylynda 4 aptalyq jazǵy mektep uıymdastyrylady – Bilim mınıstri

NUR-SULTAN. QazAqparat – Jańa oqý jylynda 4 aptalyq jazǵy mektep uıymdastyrylady. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Jańa oqý jylyna daıyndyq josparǵa sáıkes júrgizilýde. Oqý jyly dástúrli túrde 1 qyrkúıekte bastalady jáne 34 aptany qamtıdy. Sonymen qatar taǵy 4 apta jazǵy mektepti uıymdastyrý josparlandy. Mektepter jelisi jańa mektepterdiń ashylýyna baılanysty ósti. Sonyń ishinde memlekettik mekteptermen qatar, jekemenshik mektepterdiń de sanynyń artqanyn aıtqan jón», - dedi Ashat Aımaǵambetov.

Mınıstrdiń dereginshe, mektepterde 3 mln 600 myńǵa jýyq bala bilim alatyn bolady.

«Kolledjder kontıngenti - 470 myń, ýnıversıtet stýdentteriniń sany 650 myń adam. Jańa oqý jylynyń bastalýy týraly buıryq jáne arnaıy daıyndalǵan ádistemelik nusqaýlyq bekitilip, aımaqtarǵa jiberildi», - dedi ol.