Jańa oqý jylynan bastap stýdentter qansha shákirtaqy alady

ASTANA. QazAqparat – Premer-Mınıstr Álıhan Smaıylov «Memlekettik stıpendııalardy taǵaıyndaý, tóleý qaǵıdalaryn jáne olardyń mólsherlerin bekitý týraly» Úkimet qaýlysyna qol qoıdy. Oǵan saı stýdentterdiń shákirtaqysy artady, dep habarlaıdy QazAqparat tilshisi.

Qaýlyǵa sáıkes, stýdentterdiń aı saıynǵy memlekettik stıpendııasy myna mólsherde bekitildi:

- daıarlaýdyń pedagogıkalyq baǵyttary jáne «Densaýlyq saqtaý» baǵyty boıynsha bilim alatyn stýdentterdi qospaǵanda, joǵary bilimniń bilim berý baǵdarlamalaryn iske asyratyn bilim berý uıymdarynda bilim alatyn stýdentterge – 41 898 teńge;

- pedagogıkalyq baǵyt boıynsha bilim alatyn stýdentterge – 67 200 teńge;

- «Densaýlyq saqtaý» baǵyty boıynsha bilim alatyn stýdentterge – 67 200 teńge;

ınternderge – 75 890 teńge;

magıstranttarǵa – 97 024 teńge.

- «Nazarbaev Ýnıversıteti» derbes bilim berý uıymynda bilim alatyn magıstranttarǵa – 181 250 teńge;

doktoranttarǵa – 217 500 teńge.

- daıarlaýdyń «Densaýlyq saqtaý» baǵyty boıynsha doktoranttarǵa – 217 500 teńge;

- daıarlaýdyń «Densaýlyq saqtaý» baǵyty boıynsha rezıdent-dárigerlerge jáne magıstranttarǵa – 111 579 teńge.

- memlekettik organdardan oqýǵa jiberilgen QR Joǵarǵy Sotynyń janyndaǵy Sot tóreligi akademııasynyń magıstranttaryna sońǵy jumys orny boıynsha laýazymdyq aılyqaqysynyń deńgeıinde, biraq memlekettik bilim berý tapsyrysy boıynsha bilim alatyn magıstranttar úshin belgilengen memlekettik stıpendııanyń mólsherinen tómen emes.

- tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda jumysshy biliktilikteri boıynsha oqıtyn stýdentterge – 32 681 teńge.

- tehnıkalyq jáne kásiptik (orta býyn mamandaryn daıarlaýdy kózdeıtin), orta bilimnen keıingi bilimniń bilim berý baǵdarlamalaryn iske asyratyn bilim berý uıymdarynda bilim alatyn stýdentterdiń memlekettik stıpendııasy – 31 422 teńge.

Premer-Mınıstr qol qoıǵan Úkimet qaýlysy 2023 jyldyń 1 qyrkúıeginen bastap qoldanysqa engiziledi.