Jańa oqý jylyna daıyndyq áli óz deńgeıinde júrgizilip jatqan joq - Bilim jáne ǵylym mınıstri
ASTANA. Tamyzdyń 13-i. QazAqparat /Marlan Jıembaı/ - Jańa oqý jylyna daıyndyq áli óz deńgeıinde júrgizilip jatqan joq. Bul týraly búgin jańa oqý jylyna daıyndyq barysy týraly QR oblystary men Almaty,
Astana qalalarynyń bilim berý basqarmalary bastyqtarynyń basyn qosyp, jıyn ótkizgen QR Bilim jáne ǵylym mınıstri Janseıit Túımebaev aıtty.
«Qazirgi bizdiń alyp otyrǵan aqparattarymyzǵa baılanysty 10-shy tamyzǵa deıingi málimetterge sáıkes jańa oqý jylyna daıyndyq áli óz deńgeıinde júrgizilip jatqan joq. Osy másele bizge alańdaýshylyq týdyryp otyr», dedi mınıstr óz sózinde.
Onyń atap ótýinshe, aǵymdaǵy oqý jylynda 7537 mektep oqýshylar úshin esigin aıqara ashatyn bolady. Olarda 2 mıllıon 497 myń bala bilim alady. Jańa oqý jylynda 297778 bala alǵash ret mektep tabaldyryǵyn attaǵaly otyr. «Bul byltyrǵyǵa qaraǵanda 60 myńǵa kóp. ıAǵnı bul elimizdegi jaǵdaıdyń jaqsarǵanyn, demografııalyq ahýaldyń durystalǵandyǵyn kórsetip otyr. Sonymen qatar bul bizderge úlken jaýapkershilik júkteıdi. ıAǵnı birinshi synyptardy, mektepterdiń daıyndyǵy máselelerinde jaqsylap jumys isteýimiz qajet», dedi J.Túımebaev.
