Jańa oqý jylyna arnalǵan oqýlyqtar tizimi naýryzda jasalady - Saǵadıev
ASTANA. QazAqparat - QR Bilim jáne ǵylym mınıstri Erlan Saǵadıev jańa oqý jylyna arnalǵan oqýlyqtar naýryzda daıyn bolatynyn aıtty, dep habarlaıdy «QazAqparat» HAA tilshisi.
«4 jylda bir ret mindetti túrde oqýlyq satyp alý normasy alynyp tastaldy. Bilim standarttaryna, oqý baǵdarlamasyna tek qana mańyzdy ózgerister engizilgen jaǵdaıda jańa oqýlyqtar qaıta basylyp shyǵady. Jergilikti atqarýshy organdarǵa oqýlyqtarmen tolyq qamtamasyz etý úshin qajettiligine qaraı ǵana satyp alatyn múmkindik berildi. Baspalar oqýlyqtyń elektrondyq nusqasyn mindetti túrde usynatyn bolady. Aprobatsııa 1-11 synyptarda barlyq deńgeıde júrgiziledi. Buryn tek qana bastaýysh bilim berý uıymdaryna ǵana ótkizilip kelgen bolatyn», - dedi Erlan Saǵadıev Úkimet otyrysynda.
Mınıstrdiń aıtýynsha, qazirgi ýaqytta oblystyq bilim basqarmalary men JOO-lardyń usynystary boıynsha pəndik komıssııanyń quramyna kirgen mektep muǵalimderi men ǵalymdar oqýlyqtardyń sapasyna jəne olardyń memlekettik jalpyǵa bilim berý standartyna səıkestigin qaraýda. Naýryzda kelesi oqý jylyna arnalǵan oqýlyqtardyń tizimi jasalyp, səýir aıynda əkimdikter olardy satyp ala bastaıdy.
«Búgingi kúni Aqmola oblysyna 426 mln, Almaty oblysyna 45 mln, BQO-ǵa 700 mln, Qostanaı oblysyna 415 mln, Qyzylorda oblysyna 428 mln, OQO-ǵa 300 mln teńge qosymsha qajet (jańa oqýlyqtardy satyp alýǵa - avt.) bolyp tur», - dedi mınıstr.
