Jańa oqý jyly: Oqýshylardyń 80 paıyzǵa jýyǵy qashyqtan bilim alýdy bastady

NUR-SULTAN. QazAqparat – QR Bilim jáne ǵylym vıtse-mınıstri Sholpan Karınova jańa oqý jylyndaǵy alǵashqy sbaqtar týraly aıtyp berdi, dep habarlaıdy QazAqparat tilshisi.

«Oqýshylardyń, muǵalimderdiń densaýlyǵyn saqtaý maqsatynda oqý protsesi negizinen qashyqtan uıymdastyrylyp otyr. Oqýshylardyń 80 paıyzǵa jýyǵy qashyqtan oqytý formatynda bilim alýdy bastady. Jańa oqý jylynda 7 myńnan astam mektep jumysqa kiristi. Tańerteńnen barlyq mektepte bilim kúnine arnalǵan synyp saǵattary ótti», - dedi vıtse-mınıstr onlaın rejımde ótken brıfıngide.

Onyń sózine qaraǵanda, bıyl oqýdy bastaǵan 3 mıllıonnan astam oqýshy bolsa, sonyń ishinde 352 myńy birinshi synypqa qabyldanǵandar.

Mınıstrlik málimetinshe, kezekshi synyptar jumystaryn bastady. Bastaýysh synyptarda bir mıllıonnan astam oqýshy bar, olardyń 60 paıyzy ata-analarynyń nemese zańdy ókilderiniń ótinishi boıynsha kezekshi synyptarda oqýdy bastady. Qashyqtan oqytý formatynda 2,6 mln-ǵa jýyq oqýshy bilim alyp jatyr.

Aıta keteıik, 7 myńnan astam mekteptiń shamamen 3 myńy dástúrli formatta jumys isteıdi. Bul negizinen aýyldyq mektepter.