Jańa oqý jyly qarsańynda SQO-daǵy 9 mektep pen 11 balabaqshanyń basshysy aýysty

None
PETROPAVL. QazAqparat – Soltústik Qazaqstan oblysynda bıyl 900-den astam stýdent muǵalim mamandyǵy boıynsha dıplom aldy, olardyń 36-sy ákim grantymen bitirgen, dep habarlaıdy QazAqparat tilshisi.

SQO bilim basqarmasynyń málimetinshe, óńirde 16 myń ustaz eńbek etedi. Qazirgi ýaqytta 600-ge jýyq muǵalimniń orny bos, biraq bul – ýaqytsha másele.

«Bıyl pedagogıkalyq mamandyqtar boıynsha jergilikti ýnıversıtetti 16 myń adam bitirdi, olardyń 36-sy SQO ákiminiń granty boıynsha bilim alǵan. Budan basqa M. Jumabaev atyndaǵy joǵary kolledjdi muǵalimdik mamandyǵy boıynsha 300 túlek aıaqtady. Sondyqtan, bos oryndar 1 qyrkúıekke deıin jabylady», - deıdi SQO bilim basqarmasynyń basshysy Názir Jáshibekov.

Sondaı-aq, bıyl alǵash ret bilim berý mekemeleri basshylarynyń arasynda rotatsııa ótti. Nátıjesinde 9 orta mekteptiń dırektory jáne mektepke deıingi bilim berý mekemeleriniń 11 meńgerýshisi aýysty.

Buǵan deıin SQO mektepterine matematıka, orys jáne shet tilderi, fızıka-ınformatıka pánderiniń ustazdary jetispeıtinin aıtqan edik. Jas mamandar aýyldaǵy bilim ordalaryna jumys isteýge barǵan jaǵdaıda «Dıplommen aýylǵa» baǵdarlamasyna qatysa alady.


Сейчас читают
telegram