Jańa oqý jyly qarsańynda Almatyda «Mektepke jol» jedel aldyn-alý is-sharasy bastalmaq
ALMATY. Tamyzdyń 26-sy. QazAqparat - Jańa oqý jyly qarsańynda Almatyda «Mektepke jol» jedel aldyn-alý is-sharasy bastalmaq. Sharanyń basty maqsaty - kámeletke jasy tollmaǵandar arasynda oryn alatyn qylmystyq jaǵdaıdy turaqtandyrý, esirtki men basqa da bas aınaldyratyn zattardyń taralýynyń aldyn alý men tyıý faktileri bolyp tabylady, dep habarlaıdy Almaty qalalyq ІІD baspasóz qyzmeti.
Sonymen qatar jas jetkinshekterdiń túngi klýb, kopıýterlik zaldar, kafe men barlar, jertóleler men shatyrlar sııaqty olar kóp shorǵyrlanatyn jerlerdi tekserý. Jaǵdaıy tómen otbasylarynyń arnaıy esepte turǵan kámeletke jasy tolmaǵan balalarynyń qaıyr tilep, ne bolmasa úlkender tarapynan esirtki qoldanýǵa nemese basqa da túrli zańsyz áreketterge ıtermeleıtinderdi anyqtap, solardyń arasyndaǵy nashaqorlar men taksıkamandar, ishimdikke áýes balalardy zań boıynsha statsıonarlyq emdeýge jóneltý.
«Aıta ketetin bolsaq, bul aýqymdy is-shara Qazaqstan Respýblıkasynyń «Kámelettik jasqa tolmaǵandar arasyndaǵy zańbuzýshylyqty jáne baqylaýsyz, qadaǵalaýsyz qalǵan balalardyń tárbıesin qadaǵalaý men eskertý týraly» Zańynyń tolyq oryndalýyna baǵyttalyp otyr. Osy oraıda qalanyń barlyq aýdandarynda turmysy tómen otbasylarynyń kámeletke jasy tolmaǵan balalarynyń esirtki men ishimdikke táýeldiligi anyqtalyp, olar arnaıy esepke alynatyn bolady»,- dep habarlady Almaty qalalyq ІІD Qoǵamdyq qaýipsizdik Basqarmasy bastyǵynyń orynbasary Aıgúl Shópshekbaeva.
Іs-sharanyń júrgizilýine baılanysty túngi ýaqyttarda túrli kóńil kóteretin oryndardy qala polıtseıleri tolyǵymen tekserip, kámeletke tolmaǵan jasóspirimderdiń úlkenderdiń qaraýynsyz kóńil kóterý oryndaryna kelip, ýaqyt ótkizetinderdi anyqtap, qoldanystaǵy zańǵa ózgertýler men tolyqtyrýlar engizilýine baılanysty olardyń áke-sheshelerimen qatar kóńil kóterý oryndarynyń qojaıyndaryn da ákimshilik jaýapkershilikke tartatyn bolady.
«Shara barysynda, sondaı-aq, mektep qabyrǵasyndaǵy kámeletke jasy tolmaǵan balalardyń oqýdan tys qalýyn jáne bilim ordalarynda tizimge alynbaı qalǵan oqýshylardy anyqtaýdy polıtseıler erekshe nazarda ustap otyr. Ótken jylǵy ótkizilgen dál osyndaı is-sharanyń qorytyndysynan mysal keltire ketetin bolsaq: mektepke barmaǵan 6 kámeletke jasy tolmaǵan bala anyqtalǵan. Sonymen qatar shara barysynda túrli ákimshilik quqyq buzýshylyq pen qylmys jasaǵan 1094 bala Іshki ister organdaryna jetkizilip, onyń ishinde 641-i ákimshilik jaýapkershilikke, 558-i spırtti ishimdik ishkenderi úshin, 4-i qoǵamdyq oryndarda jasaǵan buzaqylyq áreketteri úshin jaýapqa tartylǵan. Sondaı-aq, ótken jyldyń qorytyndysy boıynsha QR ákimshilik quqyq buzý kodeksiniń 114 jáne 113-baptaryna sáıkes saýda salasyndaǵy 11 satýshy kámeletke tolmaǵandarǵa temeki ónimderin satqandary úshin jaýapkershilikke tartylǵan bolatyn. Ákimdik janyndaǵy vedomstvoaralyq komıssııanyń qaraýyna 9 málimet jiberilgen, onyń 3-eýi ata-ana quqynan aıyrý týraly bolsa, 2-eýi tárbıege moıynsunbaıtyn balalardy arnaıy bilim uıymdarynda tárbıeleý týraly naqty is-sharalar qabyldaý talap etilgen»,- dep atap ótti polkovnık Shópshekbaeva.
Eskerte ketetin bolsaq, «Mektepke jol» jedel aldyn alý is-sharasy 28 tamyzǵa deıin jalǵasatyn bolady.
