Jańa oqý jylynda olımpıadaǵa 1,5 mln-nan astam oqýshy qatysyp jatyr

ASTANA. KAZINFORM – Bıylǵy oqý jylynda oqýshylar arasynda respýblıka boıynsha ártúrli deńgeıdegi 80-nen astam zııatkerlik is-shara ótkiziledi dep josparlanǵan. Olarǵa elimizdiń barlyq óńirinen 1,5 mıllıonnan astam mektep oqýshycy qatysyp jatyr. Bul týraly Oqý-aǵartý mınıstrliginiń baspasóz qyzmeti habarlady. 

Atalǵan is-sharalar daryndy balalardy anyqtaý jáne qoldaý, olardyń zertteý jáne shyǵarmashylyq qabiletterin damytý, sondaı-aq oqýshylardyń bilim men ǵylymǵa, mádenıet pen zertteýlerge jáne ınnovatsııaǵa degen qyzyǵýshylyǵyn arttyrýǵa baǵyttalǵan.

Bıylǵy oqý jylynda 125 myń oqýshy respýblıkalyq aýyl oqýshylary olımpıadasyna tirkeldi, jalpy bilim beretin pánder boıynsha respýblıkalyq olımpıadanyń mektepishilk kezeńine 323 myń oqýshy qatysty. 60 myńnan astam oqýshy respýblıkalyq ǵylymı jobalar konkýrsynda óz jumystaryn usyndy. Bıyl alǵash ret qarjylyq saýattylyq pen qaýipsizdik boıynsha olımpıada ótkizilýde, onyń alǵashqy kezeńine elimizdiń barlyq óńirlerinen 35 myńnan astam oqýshy qatysty.

Sonymen qatar, osy aptada óńirlerde «HHІ ǵasyr kóshbasshysy» ıntellektýaldyq oıyny men fılosofııa jáne synı oılaý boıynsha respýblıkalyq olımpıadanyń aýdandyq jáne oblystyq kezeńderi ótýde. Sonymen qatar oqýshylar respýblıkalyq «Aqberen» shyǵarmashylyq baıqaýynyń kezeńine jáne matematıka men ınformatıkadan KHIMIO-2025 halyqaralyq olımpıadasyna qatysady.

Olımpıadalar men konkýrstar oqý jyly boıy jalǵasady. Respýblıkalyq kezeńderdiń jeńimpazdary men júldegerleri Qazaqstannyń namysyn halyqaralyq deńgeıdegi olımpıadalar men konkýrstarda qorǵaıtyn bolady. 

Aıta ketelik oqýshylar sabaq kezinde smartfon paıdalansa, ata-anasyna aıyppul salynady.