Jańa oqý jylynda oqýshylar qandaı kýrstardy mindetti túrde oqıdy

- Qazirgi ýaqytta elimizdegi 8 myńnan astam mektepte 4,1 mln oqýshy bilim alady. Bıyl 380 myń bala birinshi synypqa qabyldanatyn bolady. 11-synypqa 227 myń oqýshy kóshti. Ótken oqý jylynda 230 myńnan astam oqýshy mektep bitirdi. Oqý-aǵartý mınıstrligi bilim berý júıesiniń barlyq deńgeıinde Jańa Konstıtýtsııa qaǵıdattaryn kezeń-kezeńimen engizý boıynsha keshendi jumysty júıeli túrde júzege asyryp jatyr. Qazirgi ýaqytta bilim berýdiń memlekettik jalpyǵa mindetti standarttary, úlgilik oqý josparlary jáne oqý baǵdarlamalary jańa Konstıtýtsııa normalaryna sáıkes qaıta qaraldy, - dedi ol.

Mınıstrdiń dereginshe, jańa oqý jylynan bastap bilim berý mazmuny birqatar jańa mindetti oqý kýrsymen tolyqtyrylady. 5-7-synyp oqýshylary úshin «Konstıtýtsııa negizderi» páni engiziledi. 8-11-synyptarda «Zań jáne Tártip», 5-11-synyp oqýshylary úshin «Jeke qaýipsizdik» oqý kýrstary mindetti boldy.

-Buǵan deıin tańdaý páni retinde oqytylyp kelgen «Quqyq negizderi» kýrsy barlyq oqýshylar úshin mindetti pánge aınalady jáne mazmuny Jańa Konstıtýtsııa qaǵıdattaryna sáıkestendirildi. Úlgilik oqý josparlarynyń qurylymy ońtaılandyryldy. Oqýshylardyń barlyq oqý pánderine tolyq qoljetimdiligin qamtamasyz etý maqsatynda qysqartylǵan úlgilik oqý josparlary alynyp tastaldy, - dedi Juldyz Súleımenova.

Mınıstr bastaýysh synyptarda baǵalaý tásilderi jańartylǵanyn da atap ótti.

- Atap aıtqanda, bólim boıynsha jıyntyq baǵalaý jáne toqsan boıynsha jıyntyq baǵalaý alynyp tastaldy. Kúndelikti baǵalaýdyń róli kúsheıtildi. Dıktanttar, mazmundama, shyǵarma, jobalar, aýyzsha jáne praktıkalyq jumystar sekildi baǵalaý ádisterin muǵalim ózi tańdap, aralyq baqylaý formasy retinde júzege asyratyn bolady, - dedi ol.

Aıta keteıik, Úkimet otyrysynda Mınıstrler kabınetiniń músheleri jańa oqý jylyna daıyndyq barysyn talqyǵa salyp jatyr.