Jańa oqý jylynda qandaı jańa pánder men kýrstar engiziledi
ASTANA. KAZINFORM – Jańa oqý jylynda bilim berý baǵdarlamasynda ózgeris bola ma? Bul suraqqa Oqý-aǵartý mınıstrligi jaýap berdi.
- 2026–2027 oqý jylynan bastap bilim berý mazmunyna birqatar ózgeris engiziledi. Qazirgi ýaqytta memlekettik jalpyǵa mindetti bilim berý standarttary, úlgilik oqý josparlary men oqý baǵdarlamalary Jańa Konstıtýtsııa normalaryna sáıkes qaıta qaraldy. Atap aıtqanda, 5–7-synyptarǵa «Konstıtýtsııa negizderi», 8–11-synyptarǵa «Zań jáne tártip», 5–11-synyptarǵa «Jeke qaýipsizdik» mindetti oqý kýrstary engiziledi, - delingen mınıstrliktiń Kazinform agenttigine bergen jaýabynda.
Buǵan deıin tańdaý páni retinde oqytylǵan «Quqyq negizderi» barlyq oqýshy úshin mindetti pánge aınalyp, onyń mazmuny Jańa Konstıtýtsııa qaǵıdattaryna sáıkestendirildi.
- Sonymen birge jasandy ıntellekt bilim berý mazmunyna kezeń-kezeńimen kiriktirilýde. Osyǵan baılanysty «Tsıfrlyq saýattylyq» jáne «Informatıka» pánderiniń ataýy men mazmuny jańartyldy, - dep naqtylady vedomstvo.
Aıta keteıik, jańa oqý jylynan bastap elimizdiń mektepterinde alǵashqy áskerı daıyndyq (AÁD) páni jańartylǵan baǵdarlama boıynsha oqytylady.
