Jańa oqý jylynda bilim bıýdjeti oblystan aýdandarǵa berilýi múmkin

ASTANA. KAZINFORM – Ulttyq ekonomıka vıtse-mınıstri Baýyrjan Omarbekov Májilistiń jalpy otyrysynda bilim berý shyǵyndaryn oblystyq bıýdjetten aýdandyq deńgeıge qaıtarý protsesi qandaı satyda ekenin aıtty.

- Bilim salasynyń bıýdjetin oblystyq deńgeıden qaıta aýdandyq deńgeıge qaıtarý týraly depýtattar usynǵan túzetýlerdi Úkimet tolyǵymen zerdelep, qoldaý bildirip otyr. ıAǵnı bilim salasynyń shyǵyndary oblystaq bıýdjetten aýdandyq bıýdjetke qaıtarý kerek degen uıǵarym bar. Onyń ishinde tek balalardyń jazǵy demalysyn uıymdastyrý shyǵyndary men ystyq tamaqpen qamtamasyz etý shyǵyndary oblystyq deńgeıde qalady, - dedi ol depýtat suraǵyna jaýap bere otyryp. 

Sondaı-aq, ol atalǵan túzetý jańa oqý jylynda kúshine enýi múmkin ekenin aıtady.

- Ekinshi oqylymǵa deıin ol túzetýlerdi zań jobasyna engizip úlgeremiz. Al jańa oqý jylyna deıin ol túzetý kúshine ene me degen máselege kelsek, teorııalyq turǵyda múmkindik bar. Bıýdjet zańnamasy buǵan múmkindik beredi. Іshindegi ótemaqy arqyly nemese basqa da tetikter arqyly shyǵyndardy oblystan aýdandyq deńgeıge baǵyttaý bolady, - dedi vıtse-mınıstr.

Eske salsaq, Prezıdent Qasym-Jomart Toqaev máslıhat depýtattarynyń ІІІ respýblıkalyq forýmynda ákimdiktegi bıýdjettik komıssııanyń quramyna bilimdi, bedeldi máslıhat depýtattaryn qosýdy usynǵan edi.