Jańa oqý jylyna daıyndyq: Almatyda 100-den astam mektep mańynda qorshaýlar ornatyldy
ALMATY. KAZINFORM — Jańa oqý jyly qarsańynda Almaty qalasynyń polıtseıleri mektep avtobýstarynyń jaı-kúıin jáne bilim berý mekemeleriniń mańyndaǵy kóshe-jol ınfraqurylymyn tekserdi.

Almaty qalasy polıtsııa departamentiniń málimetinshe, balalardyń joldaǵy qaýipsizdigine erekshe kóńil bólinip otyr. Sondyqtan 200 mektep avtobýsyn paıdalanýǵa beretin avtokásiporyn tekserildi. Bul avtobýstar qaladaǵy 57 mektepke oqýshylardy tasymaldaıdy.

— Barlyq kólikter 2023–2024 jyldary satyp alynǵan jáne zamanaýı qaýipsizdik júıelerimen jabdyqtalǵan. Barlyǵynda 6 beınebaqylaý kamerasy (salonda jáne syrtta), qaýipsizdik beldikteri, órt sóndirý júıeleri, qozǵalysy shekteýli jolaýshylarǵa arnalǵan pandýstar ornatylǵan. Avtoparkte júrgizýshiler mindetti túrde reıs aldyndaǵy medıtsınalyq tekserýden ótetin medıtsınalyq kabınet jumys isteıdi, — dep habarlady polıtsııadan.

Sondaı-aq deparament oqý jylyna daıyndyq aıasynda Almatynyń mobıldilik basqarmasymen birge birqatar jumystar atqarylǵanyn atap ótti. Olar:
• 216 mekteptiń mańyndaǵy kóshe-jol jelisi tekserildi;
• Anyqtalǵan kemshilikterdi joıý boıynsha 275 nusqama berildi;
• 300 jol belgisi aýystyryldy jáne jańadan ornatyldy, ;
• 8 myń sharshy metrden astam jol tańbasy syzyldy;
• 207 rettelmeıtin jaıaý júrginshiler ótkeli jaryq dıodty shamdarmen jaryqtandyryldy;
• 101 bilim berý mekemesiniń mańyna temir qorshaýlar ornatyldy.
Eske salaıyq, buǵan deıin Almatyda 1-synypqa barǵan oqýshylardyń 57 paıyzy qazaq tilin tańdaǵanyn jazǵanbyz.
Bıyl Almatyda 127 myń oqýshy tegin tamaqpen qamtylady.